Программ тәэминат төзү

Программ тәэминат төзү – бу программ тәэминатны булдыру, аның сыйфатлы һәм ышанычлы эшчәнлеген тәэмин итеп тору.

Эффектив программ тәэминатны булдыру юлында беренче адым булып киләчәктә проект документациясенең нигезен тәшкил итә торган төгәл техник биремне язу/төзү тора. Тулы һәм төгәл техник бирем – куллану барышында ясап бетерүне таләп итмәгән «эшкә сәләтле» продуктка гарантия. Кагыйдә буларак, модульләр күбрәк булган саен проектның үсеше, алдагы эшчәнлеге һәм уңышлы эшләве өчен җентекле проектлау таләп ителә.

Төзелгән программ тәэминатның башлангыч версияләре системаның стабильлеген булдыру һәм хаталарны табу өчен «Белем. Ру» ҖЧҖ хезмәткәрләре тарафыннан җентекләп тикшерелә. Аннан соң гына программ продуктның беренче версиясе кулланылышка әзер була.

«Белем.ру» (Казан шәһ.) IT-компаниясе тулы бер цикл программ тәэминат төзү эшләрен башкара – проектлый, төзү эшләрен алып бара һәм аның эшчәнлеген тәэмин итә:

1. Кушымтаның спецификациясен әзерли. Бу этапта Заказ бирүче белән программ тәэминатка карата таләпләр килештерелә, алар булачак кулланучыларның ихтыяҗларын һәм җиһаз мөмкинлекләрен берләштерә.

2. Булачак кушымтаны проектлау. Әлеге процесс техник бирем текстын язу һәм программалау арасында арадашчы этап. Кагыйдә буларак, бу этапта булачак программаның аеруча мөһим функцияләренең прототиплары эшләнә.

3. Программалау һәм тикшереп карау. Билгеле бер телдә кодның текстын язу һәм шулай ук эшләү дәрәҗәсен тикшерү процессы.

4. Программ продуктны интеграцияләү һәм гамәлгә кертү. Тикшерелгән кушымта компания таләпләренә туры китереп урнаштырыла, калган кушымталар белән интеграцияләнә һәм кулланучылар аны көндәлек тормышта куллана башлыйлар.

5. Эшчәнлекне тәэмин итеп тору. Киләчәктә программаның уңышлы эшләве һәрдаим хезмәт күрсәтүне, яңартулар урнаштыруны һәм шулай ук барлыкка килгән хаталарны төзәтүне үз эченә ала.

«Белем. ру» ҖЧҖ тарафыннан «Аттестатлар тапшыру» программ эшләнмәләре, белем бирү программ тәэминаты белән мультимедияле дисклар, электрон энциклопедияләр гамәлгә ашырылды.